Aghjugna à u vostru librettu di strada

Laurina SERRA

L'atelier de la noisette

Cunfisaria è cundimi fatti cù i nucioli

Accolta : Da marzu à dicembri / visita di l'attellu è locu di vendita.

I tarritorii : Casinca - Castagniccia - Costa Verde

I catigurii : In ghjiru à l’arbureti è l’orti

I pruduzzioni agriculi : Nucigliuli è amanduli

ex RN 198 (RT10) Prunete - A Fiorentina
20230 San Guiliano
  04 95 38 02 41 |   06 23 01 96 64
  atelier.la.noisette@orange.fr |   www.atelierdelanoisette.com

Charles Sforzini hà sempri sunniatu di pudè trasfurmà u fruttu di u so travagliu.

Isciutu d’una famiglia d’agricultori, u ghjuvanottu sfrutta assai prestu i tarri famigliali di a piaghja urientali. L’urticultori chì praticava l’agricultura sottu à serri, si cunvirtisci ind’a cultura di u nuciolu, un arburu chì li stà à cori. In 1980, piglia pussessu di tarreni in Cervioni – righjoni divintata rinumata par issu fruttu. Charles hè cuscenti chì una pruduzzioni simplici ùn bastava :

« Pà campà di a so passioni, ci vò à sapè rializà cosi novi, crià, trasfurmà. L’affari cascava à tappu ! ». Dopu à parechji furmazioni, Charles crea, in 2002, l’Atelier de la Noisette in San Ghjulianu. « À l’epica, era una struttura ubligatoria. Oghji, hè un veru piacè di scumparta i nostri criazioni. » È ci n’hè parechji ! Un rigistru di deci prudutti – cù certi trasfurmati à 100% – hè prupostu à l’amatori cù prestu una nuvità : un’asta energetica !

« Ghjustu à puntu, semi assai fieri di u nostru oliu di nucioli. Ci hè vulsutu assai cura è tempu pà a so elaburazioni, cù a fabricazioni d’un mulinu à oliu. È oghji hè un beddu successu ! » Bedda riescita dinò pà a pasta da spalmà A Nucciola chì, dipoi quattru anni, hè a campa di i chjuchi è di i maiò.  « Una spirienza nova : ci hè vulsutu à pruducia cù u sapè fà è dinò u fà sapè ! Una bedda storia ! »

Par furtuna, noi, semi à capu !

‹‹ Ritornu