Aghjugna à u vostru librettu di strada

Sandrine MONDARY

Il était une fois un galet

Pittura nantu à cotula, nantu à tela – Ghjochi educativi

Accolta : Nantu à appuntamentu tutta l’annata.

I tarritorii : Sud Corse

I catigurii : L’artighjani

village Sari - Lieu-dit Monticellu
20145 Sari Solenzara
  06.11.58.63.62.
  sarienne@hotmail.fr |   www.il-était-une-fois-un-galet.fr

À novi anni dighjà, Sandrine Mondary rializeghja a so prima tela è cumanda : u disegnu d’un ghjallu pà un stabilimentu ustariaghju di u Var, a so righjoni d’urighjini. Hè difficiuli di francà si di u so distinu : i so arcimissiavu è missiavu paterni sò artisti pittori è a so zia materna prufissori d’Arti Plastichi !

«In fondu di mè, aghju sempri sappiutu chì a pittura saria à u centru di a me vita » A 18 anni è duranti quattru anni, Sandrine suvita una furmazioni à l'École d’Arts Plastiques di Bastia, po passa un annu à l’École Supérieure des Arts Décoratifs di Limoges. A so spicialità ? U culori. U mischiu di i pigmenti, i metudi di culurizazioni, a familiarizazioni cù i sfarenti supporti : tanti scuparti chì incantani a ghjovana.

In Sari, paisucciu duva si stalla assai prestu, in 1984, Sandrine principia a so attività cù a pittura nantu à a tela, po nantu à u vetru. Travaglià à parta d’una materia urganica, un’idea chì hà fattu a so strada – zitella dighjà ricapizzava ogni genaru di minerali, cù formi è urighjini varii : in 2002 scegli a cotula com’è supportu privilighjatu. « U tempu impasta issi petri. Ci voli ognitantu un seculu pà ottena issu allisciamentu. Dolci, tondu, cusì maternu ! » Dipoi 12 anni, Sandrine racogli sti cotuli, pirfiziuneghja a so tecnica è imagineghja novi parsunaghji cù i quali pudaria crià d’altri universi, d’altri sonnii…

A cotula invintata torna !
 

‹‹ Ritornu