Aghjugna à u vostru librettu di strada
Virginie TORRELLI
Atraverre
Criatori vitraghju - Arti di a tola - Dicurazioni - Ghjuvelli
Accolta : Www.atraverre.com
I tarritorii : Balagna
I catigurii : L’artighjani
Atelier / Boutique Partagée " Storia di l'Artigiani" - La Citadelle - Grand Bastion
20260 Calvi
06.86.61.98.40
contact@atraverre.com | www.atraverre.com |
@atelier Atraverre
Virginie Torelli hè una figliola di l’isuli ! Dopu à quindici anni passati in Martinica – hè in Fort-de-France ch’ella uttinarà u so diplomu di i Belli Arti – a ghjovana si stalla in Calvi in u 2010. “Sta vuluntà di campà in Corsica ùn hè micca nova. Passavu ogni istati ind’è i me missiavi è minnanni. Ùn mancava più cà francà u passu !” Una volta fatta, cuntinuveghja in Balagna a so attività di vitraia. Pà essa più pricisu di “dicuratori nantu à vetru”.
“Sò numarosi i tecnichi è assai pricisi, spiega Virginie, com’è u fusing o par un dettu a termofurmera. A me furmazioni iniziali m’hà parmissu dopu d’aghjustà ci a criazioni grafica.” Nanzu di spicializà si ind’è a vitraria, era piuttostu u stagnu, un’antra materia, ch’avia sceltu Virginie, ma quissa li paria à pena urdinaria di pettu à u vetru, più nobili, cù i so culori è u so lumi.
Oghji, a criatrici spiriminteghja furmati più larghi com’è issi quatri, chì dopu essa ritroschjariti, darani u risaltu à a so trasparenza. “I me ricerchi sò fundati dinò nantu à u travagliu di i mani in cuntattu cù a materia. Hè u rolu primu di l’artighjanu. Una volta ricunnisciuta sta maestria, i me criazioni poni essa più parsunali, una riflissioni d’artista...” Pà cuntà ci nuvelli storii luminosi !
Contactez le producteur
Vuleti di più infurmazioni, impiiti u furmulariu siguenti è vi rispundaremi prestu