Aghjugna à u vostru librettu di strada

Ange François FELIX

Ange Felix Sculpteur

SCULTURA

Accolta : Tutta l’annata / appuntamentu prichevuli.

I tarritorii : Sud Corse

I catigurii : L’artighjani

Tinuta di travaddu addossu, sigaretta in bucca, sguardu francu è prufondu, strinta di mani appughjata, boci bassa è chì vi pidda, eccu in qualchì trattu u ritrattu di stu scultori atipicu ch’è vo scuntrareti pò dà si un ghjornu in u so paesi d’Altaghjè in cori di l’Alta Rocca. Hè quì chì dapoi unipochi d’anni, Ange Felix hà principiatu a sigonda parti di a so vita.

Spiicazioni ! “Incù a me donna, erami chinesiterapisti in u rughjonu. Pà una prova d’arti plastichi à u baccu, u me fiddolu mi dumanda l’aiutu pà cuncipiscia una pezza incù pezzi di farru ricuparati à l’intornu. Eccu comu tuttu à cuminciatu”. Pà Ange Felix, hè stata di colpu un’evidenza è u principiu di una ricerca scatinata pà truvà elementi chì vinarani à cumpona i so sculturi. Pistona, ingranaturi, maniveddi, vechji arnesi trovani una sigonda vita passendu trà i mani sperti di u scultori è à traversu u prisma di a so imaginazioni tamanta.

I primi pezzi sò figurativi è u bistiariu trova bè a so piazza ma à pocu à pocu, l’opari d’Ange Felix vincini in intensità è prufundezza. U scultori svia l’usi, sciappa i codici è l’elementi si mischjani incù ingeniusità, astuzia è riflissioni. A maturità è a ricchezza di u so travaddu siducini i primi cullizziunisti. “Travaddu dighjà à distanza incù un galleristu parighjinu chì mi cunsigliu è m’avvia. I me opari sò dinò raprisintati in una gallaria di nomina di Portivechju. À pocu à pocu, impargu i minuzii di u mistieri”, ci cunfida incù mudistia u scultori. Una ricunversioni chì pidda di sigura u chjassu di a riescita !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu