Aghjugna à u vostru librettu di strada

Antoine Dominique BURESI

Col de la Vaccia

Ustaria agricula - Camari d'ospiti

Accolta : Da u 15 d’aprili à u 30 di sittembri.

I tarritorii : Sartinesi Valincu Taravu

I catigurii : I toli & stanzi d’ospiti, ustarii agriculi & alloghji campagnoli

Affacchendu ind’è issa ustaria incantevuli di a Bocca di a Vaccia, pari difficuli di pinsà chì Antoine-Dominique Buresi ci passaia a so zitillina cù i so parenti, mentri l’epichi di muntagnera. « A casa era ind’un gattivu statu, era più un agrottu cà una casa », si ramenta Antoine-Dominique, nanzu di cuntinuvà : « Ancu s’è i cundizioni di vita erani simplici, aghju avutu subitu cuscenza di u putinziali di sti lochi. Dighjà à l’epica, ci era assai passaghju. »

Allora, à pocu à pocu, Antoine-Dominique cumencia à venda i so prudutti casani à i turisti di passaghju, sinu à u ghjornu duva i prupietarii di u casamentu pigliani a dicisioni di venda lu. Tandu ùn trica tantu, a compra subitu è metti tutta a so forza è u so curaghju pà risturà la. Dopu à setti anni di travagli, l’ustaria di a Bocca di a Vaccia pò accoglia è allughjà i so primi clienti. Oghji, Antoine-Dominique ricevi i so ospiti cù i quali piglia piacè à fà cunnoscia i prudutti di a so splutazioni.

« Quì, hè guasgiu tuttu ‘casanu’ : i ligumi di l’ortu, a salameria, a carri…è i furmagli sò di a tinuta agricula vicinu. » Un indirizzu bonu, chì, di sicuru, ùn cunnosci prublemi di ‘tracciabilità’ !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu