Aghjugna à u vostru librettu di strada

Toussaint FAZI

U Sampolu

Ustaria Agricula

Accolta : Da maghju à sittembri, tutti i ghjorni

I tarritorii : Corsica Livantina

I catigurii : I toli & stanzi d’ospiti, ustarii agriculi & alloghji campagnoli


20227 Sampolo
  04 95 57 60 18 |   06 12 90 38 07
  veronique.comptour@wanadoo.fr |   www.restaurant-ghisoni-ghisonaccia.fr

Micca luntanu di Ghisoni, in a pievi di Castellu, si cunnosci u paesi di Sampolu par via di u matrali è di a casa campagnola di Toussaint Fazi. Stu vaccaghju chì vi surridi francu è graziosu ci hà apartu una custruzzioni d’altu valori chì faci unori à i prudutti di a tarra.

Hè paisanu Toussaint. Urighjinariu di Sampolu, a mamma avia tarreni à l’intrata di u paesi. In u 1987, quandu si principia a custruzzioni di u matrali, Toussaint acconcia un spaziu par riceva i travagliadori è prupona robba sana cù a quantità. Mentri ch’eddu cuntinueghja a so attività principali di pruduttori di carri vaccina in Ghisoni è vicinu à u Casone Pieraggi, più in ghjò, in piaghja, cuncipisci arrembu à u lavu ancu à nascia un locu adattu à i sciali. Pensa à custruì una casa campagnola chì faria dinò risturanti. Cù l’aiutu di a moglia par stu prughjettu di più di vinticinqui anni, Toussaint pruponi oghji una cucina tradiziunali fatta à 80% di prudutti cacciati da u so addevu è da u so ortu.

« Hè quistu chì hè impurtanti : fà scopra i nostri prudutti è i nostri sapè fà. Cusì i nostri clienti sò immersi in u nostru rughjonu.” S’è vo dumandeti à Toussaint s’eddu hè felici cù a so casa campagnola, vi rispondi cù tamantu surrisu : « Più chè mai ! »
 

‹‹ Ritornu