Aghjugna à u vostru librettu di strada

Pascale et Serge FICAJA

A Torra

Alloghji campagnoli – Addevu di pecuri

Accolta : Tutta l’annata

I tarritorii : Nebbiu - Capi Corsu

I catigurii : I toli & stanzi d’ospiti, ustarii agriculi & alloghji campagnoli, L’addevu, a robba purcina, i casgi

I pruduzzioni agriculi : Agneddu lattaricciu è caprettu

Hameau Calvello
20253 Patrimonio
  04.95.37.07.03 |   06.22.79.01.96
  atorra0545@orange.fr

Spassighjà in bissicletta o à pedi nantu à i stradi signalati, coglia i funzi è i castagni primaticci di branu, ascultà di lugliu l’accordi di i ghitarristi i più rinumati, suvità a Strada di i Vini…tanti cosi boni da campà à a partenza di l’alloghji di Pascale et Serge Ficaja !

À uni pochi di minuti di i beddi marini di Capicorsu è di San Fiurenzu, vicinu da a casa famigliali, stu ghjovanu coppiu si hè stallatu ind’una casa chjamata A Torra, trè beddi appartamenti. « Avemi pruvatu à prisirvà l’ambianza è u stilu di i casi di i tempi. » È hè propriu una riescita ! Issi rializazioni sò d’altrondi labillizati è classificati 3 épis da i Gîtes de France.

Quì tuttu s’integra è si cumpletta cù maraviglia pà cuntribuiscia à fà di u vostru sughjornu un mumentu ch’omu ùn si pò scurdà. U tempu d’una duminicata o d’una simana, ci ritruvareti u gustu di i cosi simplici, i notti di riposu cù a calma, i muschi di i pianti è di l’arburi, u parfumu di u ventu…è di sicuru, pecuri corsi nustrali - Serge participeghja in modu attivu à u prughjettu di silizzioni di a razza uvina corsa… razza ricunnisciuta è apprizzata pà i so qualità parechji, ancu in cuntinenti è aldilà di u Mediterraniu.

« Issa attività ci hà parmissu di fà beddi scontri »  incalca Pascale, cù gioia… Tutti i so clienti accertani a stessa cosa ! Un affari stunanti ? Mancu à pena ! Sè a biddezza di i lochi ùn si pò cuntistà, a bravezza è l’accolta di Pascale et Serge sò eccezziunali !

‹‹ Ritornu