Aghjugna à u vostru librettu di strada

Pauline JULLIARD

Campu di Monte- Chambres d'hôtes

Ustaria agricula - Stanzi d’ospiti

Accolta : Nantu à riservazioni

I tarritorii : Nebbiu - Capi Corsu

I catigurii : I toli & stanzi d’ospiti, ustarii agriculi & alloghji campagnoli

Piglieti à principiu una zitedda di u paesi chì sà ascultà, fà prova di logica è di ditarminazioni. Aghjustetici studii è spirienzi varii. Ciutteti l’insemi ind’ì l’ambienza d’una famiglia chì i valori sò fundati nantu à l’amori d’una tarra, l’uspitalità è u travagliu bè fattu.  Aghjugniti  assai sforzi…Eccu u risultatu : Pauline Julliard è a so ustaria agricula in Muratu !

Era in 1985. Ind’a Corsica di l’anni di focu chì rivindicaia a so identità. Pauline si sintia pronta ; è Campo di Monte, a beddu tinuta in petra à l’asseccu chì dataia di u XVIIIu seculu, paria aspittà la ! Edda a rinnova è in pocu tempu, a so tola diventa l’adirizzu ricircatu da tutti i bocchifini di quì o di passaghju.

U locu hè divinu. A vista nantu à u mari hè cusì bedda ch’è sintareti guasgiu l’ali chì vi crescini ind’u spinu ! Pà i beddi ghjorni, l’apperitivu hè sirvutu fora, in introitu d’un prugrammu diliziosu : Robba purcina muntagnola, fritteddi di furmagliu assai gustosi, cusciottu di viteddu corsu - isciutu da a so splutazioni – lasagne, gnocchi, ligumi di l’ortu, casgiu minatu accumpagnatu da fichi freschi, cunfitti o bè siccati, fiadone, clementini cunfitti… « U me piacè maiò ? Travaglià à nantu à l’eccezziunali è u centu par centu corsu » ci cunfida Pauline.

L’alchimia fini nata da u scontru trà una donna ghjinirosa, un locu paradisiacu, i prudutti di u rughjonu assai freschi è tutti ottimi …Hè guasgiu fatali ! Sarà assai difficiuli pà voi di parta da u locu !... podassi sarà pà issa raghjoni chì Pauline in a so ghjinirosità tamanta, hà accunciatu cù gustu è amori, dui stanzi d’ospiti in paesi… Sarani sempri libari sta sera ?