Aghjugna à u vostru librettu di strada

Marie-Line LUCIANI, épouse Coppolani

ECURIE U BALADINU

Centru equestru

Accolta : tutta l’annata (francu u luni) / spassighjati in marina à l’ora, è in muntagna à a ghjurnata (spuntinu).

I tarritorii : Corsica Livantina

I catigurii : Cultura/natura/binistà/passatempi

Marie-Line Luciani  hè una donna dicisa chì dirighji u centru equestru di Tallone, l'Écurie U Baladinu. Marie-Line si sarà di sicuru missa à cavallu prima di mettasi nantu à a so prima bissicletta ! Subitu si senti a passioni maiori di a ghjovana pà st’animali, pà u quali campa è chì a faci campà oghji. A 14 anni, piglia a dicisioni di parta in furmazioni cù Yannick Chatagno, una parsunalità di l’equitazioni di a righjoni di Gémenos. Dopu à qualchì annu, volta cù un diplomu, pà campà a so passioni in Corsica.

Ditarminata è mutivata, a ghjovana donna crea cù u so cumpagnu chì hà u listessu ardori, u so propriu centru equestru in u 2009. Carca di risorsi è d’idei boni, sparti oghji u so tempu trà i corsi dati à i zitelli di u locu duranti l’annata sculara è i spassighjati à cavallu cù i turisti in a staghjoni. « Trà tutti i spassighjati ch’è no prupunimi, quilla chì a ghjenti apprizieghja u più è chì mi teni à cori hè issa spassighjata chì ci cunduci à l’ortu di u me missiavu, nantu à l’altezzi di Tallone », conta Marie-Line cù fiertà.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu