Aghjugna à u vostru librettu di strada

Henri ORENGA DE GAFFORY

Domaine ORENGA DE GAFFORY

Vini AOP Patrimoniu è Muscatu AOP di u Capicorsu

Accolta : Tutta l’annata da u luni à u vennari
D’aprili à sittembri 7/7 ghjorni.

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

U ventu salitu, u soli, u calcariu, a tarra rossa, l’orizonti cilestu è dinò i costi vistuti di sciarpi rusulini, aranci o verdi sicondu i staghjoni…Sarà un sonniu ? Una pittura impressiunista ?  I dui di sicuru…È dinò u Duminiu Orenga de Gaffory cù i so vigni chì si stendeni nantu à più di sissanta ettari spargugliati nantu à parechji cumuni posti à u cori di l’AOP Patrimoniu.

Hè sta natura di una biddezza senza paru chì hà datu l’ispirazioni à Henri Orenga de Gaffory par crià un locu unicu induva si mischiani naturalmenti l’arti cù u vinu.

In a so prisenza s’ampara chì l’ispirazioni sola ùn vali senza a passioni è un travagliu senza richità. È ci maravigliemi di l’armunia parfetta di i diversi vini nati da l’antichi calzi corsi : u Vermentinu par i bianchi, u Niellucciu par i rossi è i chjarasgini, u Muscatellu par i muscati…
Ci facini dinò imprissioni l’opari di l’artisti oghjinchi missi in risaltu in u frescu di a so galeria di cusì beddu garbu !

Hè una spirienza urighjinali par i sensi è a pudeti pruvà tutta l’annata, cù forsa d’istati a surpresa di essa invitatu par l’inaugurazioni d’un artista oghjincu rinumatu !
È ùn vi n’andeti senza passà par a buttrega : si poni sceglia parechji cascetti di roba ma ni pudeti accuncià una à u vostru gustu…Hè un rigalu parfettu, ùn hè ?