Oliu di Corsica
Dulcezza, muscu è piacè !
L’arburetu uleiculu corsu hè u spechju di 3000 anni di storia !
Hè oghji cumpostu d’una musaica di tarri lucali è di variità chì offrini un pannellu di parechji muschi, cù un puntu cumunu chì ferma a dulcezza di l’oliu.
A qualità è a tipicità di l’oliu d’aliva di Corsica-Oliu di Corsica sò ricunnisciuti da un’Appillazioni d’Urighjini Cuntrulata è Prutetta (AOC/AOP). Stu segnu ufficiali di qualità guarantisci chì l’oliu d’aliva hè stata prudutta :
- in Corsica
- cù variità d’alivi lucali
- sicondu un sapè fà anticu
- cù metudi di cultura muderni è rispittosi di l’ambienti.
Hè un oliu untuosa chì prisenta un niveddu muderatu d’amarezza è di picanti. I so muschi prisentani una ghjinirosità è una cumplissità chì venini da u niveddu avanzatu di maturità di i frutti ind’a cugliera. U fattu chì l’alivi firmessini un beddu pezzu nantu à l’arburi laca à i nostri frutti u tempu d’insurpà si di i parfumi di u mediu ambienti, di i fiori, di a machja, di u rosumarinu...
Sicondu i variità è i so assuciazioni, i parfumi duminanti si sprimani par via di sinsazioni ulfattivi di nucigliula, d’amandula, di mela, d’arba fresca, di meli, di fiori o di pastizzaria.
A finezza di l’oliu di Corsica li parmetti d’accumpagnà piatti dilicati fendu crescia u so savori.
