I vini
I vini di Corsica binifizieghjani di 5 Appillazioni d’Urighjini Cuntrullati (AOC) è d’una Indicazioni Giugrafica Prutetta (IGP).
Cuncirnendu l’ AOC, avemi :
- Dui appillazioni principali : « Ajaccio » è « Patrimonio ».
- Un’appillazioni di tippu « village » : « Vin de Corse » o « Corse » suvitatu da « Calvi », « Sartène », « Figari », « Porto-Vecchio » o « Coteaux du Cap Corse ».
- Un’appillazioni righjunali : « Vins de Corse »
- Un’appillazioni pà i vini dolci naturali « Muscat du Cap Corse ».
Cuncirnendu l’IGP, ci hè dui tippi di vini d’appillazioni « Ile de Beauté » :
- i vini d’uvizzi : vinduti sottu à nomi di marca o di duminiu, sò vinificati à parta d’un accoppiu d’uvizzi corsi (Niellucciu, Vermentinu, Sciaccarellu…) è d’uvizzi cuntinintali (Cabernet Sauvignon, Merlot…).
- i vini primaticci : sò cummircializati à parta da u terzu ghjovi d’uttrovi.
In Corsica, di regula, i vindemii principiani trà u 15 è u 25 d’aostu pà l’uvizzi i più primaticci : si compiini à a fini di u mesi di sittembri, è ancu di nuvembvri pà i vindemii tardivi di certi uvi.
