I Vini di Corsica
Inaspittati di sicuru…
Hè dipoi uni pochi d’anni chì i vignaghjoli a li provani cù a sfida di a qualità. Sottu à a bandera unitaria di i « vini di Corsica » è com’è punteddi prugressu è mudernità, tradizioni è sputichezza.
A Corsica essendu una muntagna ind’u mari, ognuna di i so vaddi prufitta d’una spusizioni è d’un microclima sfarenti. Offri, in più, una diversità maiò di tarri adatti in particulari à a cultura di a vigna.
In più a Corsica cunteni un antru tisoru : piu di 30 uvizzi cù nomi evucatori com’è u Sciaccarellu, u Niellucciu è u Vermentinu ch’è no ritruvemi in i sfarenti Appellations d'Origine Contrôlées* di l’isula è l’Indication Géographique Protégée « Vins de l’île de beauté ».
Issi tarri lucali sfarenti assuciati à uvizzi sputichi è à u sapè fà di i nostri vignaghjoli vi offrini rossi chì si poni tena, fini è putenti, chjarasgini cù forti parsunalità è bianchi magichi…
Senza scurda si di u « Muscat du Cap Corse », vinu dolci naturali chì veni da l’uvizzu biancu muscatu à picculi graneddi. Cù a particularità di tena assai in bocca, u muscatu di Capicorsu cappia muschi ricchi è assai cumplessi cù prufumi salvatichi chì ramentani l’agrumi è a melacutogna.
Issa diversità è issa ricchezza ammaistrati parmettini à a Corsica oghji di ghjucà à veru u so rollu ind’a famiglia di i vini di bellu fondu
* Dui appillazioni principali (“Ajaccio” è “Patrimonio”), un’appillazioni di tippu « village » («Vin de Corse » o « Corse » suvitatu da « Calvi », « Sartène », « Figari », « Porto-Vecchio » o « Coteaux du Cap Corse »), un’appillazioni righjunali (« Vins de Corse »), un’appillazioni pà i vini dolci naturali (« Muscat du Cap Corse »).
