Sartinesi Valincu Taravu
Veculu di a storia corsa, issu tarritoriu accogli i dui terzi di i megaliti di l’isula. Da u Taravu, vaddi a più antica in pupulamentu di Corsica, à Sartè a bedda, inalpacata in anfiteatru chì supraneghja u golfu di u Valincu, ci sò vistichi d’una storia gluriosa ma ancu frasturnata. S’è a righjoni hà vistu nascia u vicirè di Corsica Vincentellu d'Istria è una nubilità prisenti dipoi u VIIu seculu, hà cunnisciutu dinò lotti paisani accaniti.
A vaddi piaghjinca di u Taravu, a piaghja di u Rizzanese è a vaddi di l'Ortolu, sfruttati dipoi i tempi prestorichi, ani vistu i so pupulazioni ricuddà ver di l’altezzi, à a Meza Età. Timurosi di l’invasioni di i barbari, stavani in piaghja solu pà l’epica di a suminera è di a sighera, è l’impiaghjera di i bandi d’animali. Hè à parta da u XIXu seculu chì i famigli si sò stallati quì torna, pà cultivà ci à puntu a vigna è l’alivu, è sviluppà ci una forti attività pasturina. A muntagna colma di lecci è castagni hè piuttostu u locu di l’addevu purcinu. Robba purcina, furmagliu, vinu, oliu d’aliva, meli… un abbracciu parfettu trà piaghja è muntagna !
Da veda è da fà
I siti prestorichi di Filitosa è di Cauria. U museu dipartimintali di prestoria è d'archeulugia di Sartè. U mondu misteriosu di i scogli di Roccapina. A torra di Campumoru. A mostra « Barbaresques » in Belvederi Campumoru. I spassighjatti : « Campumoru è a so torra ghjinuvesa », « A strada di i paesi inalpacati », « A tarra di l’urighjini », « Paesi di u Taravu », « Portu Poddu è Filitosa ». I ghjiri è spassighjati à pedi : « Da Campumoru à Senetosa » « Mare à Mare Sud », « Mare è Monti Sud », « Chjassu di scuparta di Ghjunchetu », « Chjassi ind’u Taravu ».
Da ùn mancà
- I marcati di i pruduttori
- I visiti enulogichi, ogni vennari à parta da u mesi di lugliu
- U marcatu di Sartè u sabbatu matina.
- A fiera campagnola di Filitosa à u principiu d’aostu
- A fiera campagnola di Baracci à a mità d’aostu
INFOS infurmazioni
Uffiziu di polu / Prupià : +33 (0)4 95 76 01 49 / Sartè : +33 (0) 04 95 77 15 40
www.syndicat-dinitiative-sollacaro.com +33 (0) 04 95 74 07 64
.jpg)
