Corsica Livantina
In cori di a piaghja urientali, i stagni d’Urbinu è di Diana, aghji umidi classificati «zones naturelles d’intérêt écologique, faunistique et floristique», una machja in fiorisi, ind’u fondu u Monti Renosu duva si scoprini sei lavi...
Issu locu eccezziunali farà a campa di i passiunati di natura salvatica! Ma a Costa Serena, sò dinò i tarri antichi di i pastori di u Fiumorbu è a spianicciata d’Aleria rinumata dapoi l’Alta Antichità pà a ricchezza di i so pruduzzioni – A ricca Aleria, capitali di a Corsica sottu à l’impiratori Augustu, fù un fondacu cosmupulitu ricircatu da tutti i populi di u Mediterraniu.
Oghji, a tradizioni d’addevu ci hè sempri prisenti, vigni è arbureti ci stani bè è i « novi » culturi dinò : clementina, pumelu, chivì... è di sicuru l’ostrici rinumati di u stagnu di Diana.
NB : a clementina di Corsica hè a sola clementina prudutta in Francia... a Corsica hè a prima righjoni pruduttrici d’amanduli di Francia.
Da veda ... Da fà
U museu Jérôme-Carcopino situatu ind’u Forti Matra, i termi rumani, a necrupola prerumana, u situ archiulogicu (da a pianura di Casabianda sinu à i cuddetti chì supraneghjani u stagnu Del Sale) u museu Mnémosina, i spazii naturali rimarchevuli, a torra di Diana, i tragoni di l’Inzecca è di Strette, i cimi Christe Eleison è Kyrie Eleison, u monti Renosu è i so lavi, a furesta di Marmanu, i ponti ghjinuvesi, funtani è spisci, u paisolu abbandunatu sopra à u lavu di Sampolu...
Da ùn mancà...
- I marcati di i pruduttori.
- Biera in Festa, Ghisoni, 4a duminicata di lugliu (festivale di a biera)
- U piligrinagiu di Notre-Dame de Pancheraccia, chjamata « La Lourdes corse » (apparizioni di a verghjini à u XVIIIu seculu.).
Infurmazioni
www.corseorientale.com / Office de pôle +33 (0)4 95 56 12 38
www.oriente-corsica.com / +33 (0)4 95 57 01 51
