Nebbiu - Capi Corsu
Una penisula stretta, com’è un dittu chì insegna u nordu, chì s’apri nantu à u golfu di San Fiurenzu, sinu à l’Agriate chjamati senza raghjoni u « disertu di l’Agriate » - in rialità, sò tarri agrarii, boni pà a cultura di a biada è di l’alivu…
Un tarritoriu induva u patrimoniu custruttu palesa un passatu cumbattanti è marcatu da a fedi. Ci scuprareti i culturi in tarrazzi di u Capicorsu è l’aliveti millenarii di a piaghja fertili di a Conca d’Oru, tistimonii di a forti attività agricula di i seculi passati. Oghji, pascuri è ghjovani aliveti cumponini sempri u paisaghju, ma issa tarra ferma nanzi tuttu un locu rinumatu di a viticultura corsa – i so tarri arzilosi è matticciosi à volta adulciti da furmazioni calcarii chì ani pruduttu vini chì, da l’antichità, erani trà i migliori di u Mediterraniu.
Oghji, i vini rinumati di l’AOC Patrimoniu è i muscati famosi di u Capicorsu sò un veru umaghju à sta tarra ghjinirosa.
Da veda ... Da fà
I munumenti classificati di u Nebbiu, in particulari a citadella è a catidrali di San Fiurenzu è a ghjesgia pisana di Muratu, i cappeddi rumani di u Capicorsu, i beddi Casi d’Amiricani è i tombi famigliali chì sò una particularità di u paisaghju in Capicorsu, u cunsirvatoriu di u Custumu corsu, u Museu di l’Alimea, u mulinu riabilitatu d’Ogliastru, u mulinu à ventu Mattei, u chjassu di l’Acqua in Petracurbara (spassighjati ver’di i mulini, i ponti, i funtani), i spassighjati nantu à u Chjassu di i Duganeri, i torri ghjinuvesi..
Da ùn mancà
- I marcati di i pruduttori.
- A festa patrunali di i vignaghjoli è di a spartera «A San Martinu», l’ 11 di nuvembri in Patrimoniu.
- A Fiera di u Vinu, à u principiu di lugliu in Luri.
Infurmazioni
www.bastia-tourisme.com / Office de pôle / Tél : +33 (0)4 95 54 20 40
www.corsica-saintflorent.com / Tél : +33 (0)4 95 37 06 04
www.macinaggiorogliano-capcorse.fr / Tél : +33 (0)4 95 35 40 34
www.lucciana-mariana.com / Tél : +33 (0)4 95 38 43 40
