L’addevu, a robba purcina, i casgi
In Corsica, l’addevu veni da una tradizioni pastureccia
Issa tradizioni chì riunisci ghjistioni estensiva di i spazii è valurizazioni di i risorsi naturali, tinendu contu di i ciculi di staghjoni. Issa spicificità di cundutta di i bandi aghjunta à razzi lucali rustichi è adattati è à u sapè fà di l’addivatori porghji sputichezza è autenticità à i prudutti (casgi, salamaria, carri).
In issu filu, parechji pruduzzioni isciuti da l’addevu isulanu ani uttenutu un segnu ufficiali di qualità (AOP Brocciu, AOC Prisuttu, Lonzu, Coppa di Corsica) o sò in corsu di cirtificazioni (AOC furmagli, IGP agneddu è caprettu di Corsica). Senza sminticà l’addevi in Agricultura Biulogica, à puntu ind’a filiera di i vaccini, chì cunnoscini un sviluppu maiò dapoi uni pochi d’anni, a Corsica essendu un tarritoriu privilighjatu pà issu tippu di pratichi.
