L’agricultura biologica in Corsica

Si sviluppa assai l'agricultura biologica in Corsica, cù più di 400 pruduttori in u 2017. Sò state multiplicate via 3 in 5 anni l'aree cultivate. Raprisentanu e spluttazione certificate è in cunversione ver'di l'agricultura biologica più di 12 % di tutte e spluttazione di a regione.  Prupone l'agricultura biologica in Corsica una gamma diversa di prudutti ricacciati da e pruduzzione animale è vegetale : carne, furmagliu, mele, frutti è legumi, vinu, suchju di frutti, piante arumatiche, frutti secchi, cunfitture è d'altri prudutti trasfurmati...

L'agricultura biologica hè un segnu ufficiale di qualità rettu da un quaternu di e cariche strettu (benestà di l'animali, rispettu di l'ambiente, sbannisce l'usu di prudutti chimichi di sintesi, lotta biologica...) Sò numerosi i benefizii di l'agricultura biologica nant'à l'ambiente, a salute è nant'à a cullettività.

Bio di Corsica

A marca cullettiva « Bio di Corsica » hè l'arnese di valurisazione di e pruduzzione certificate AB di Corsica è un attrazzu da avvalurà per u cunsumatore. Ùn hè micca solu una tichetta « Bio di Corsica »... hè un pattu eticu trà l'Omu è a so Terra ».