A farin castagnina corsa
U patrimoniu gastrunomicu…
L’Appillazioni d’Urighjine Cuntrullata è Prutetta (AOC/AOP) « Farine de châtaigne corse – Farina castagnina corsa » hè isciuta d’un sapè fà invintatu torna da l’eredi di deci seculi di tradizioni.
Issu segnu ufficiali di qualità guarantisci chì a farina di castagna hè stata prudutta :
- in Corsica
- cù variità di castagni lucali
- rispittendu i tecnichi tradiziunali è i sapè fà antichi
- senza trattamenti chimichi.
I castagni racolti cusì dani una guaranzia di qualità supiriori, un gustu unicu è sputicu.
A farina di castagna corsa hè carattarizata da u so savori inzuccaratu, a so finezza, a so purezza, u so gustu biscottu è a qualità di strughja in bocca ! Pà guarantiscia i qualità nutriziunali è gustativi di u pruduttu, hè ubligatoriu di cundiziunà senza aria a farina pà a distribuzioni ind’i cummerci. Ind’i fieri o dirittamenti ind’è u pruduttori, si pò truvà insaccata di manera simplici. Pà cunsirvà la, bisognu à metta la sia ind’u rinfriscatoghju (corta cunsirvazioni), sia ind’u cunghjilatori (longa cunsirvazioni).
Amica di a gastrunumia par via di u so gustu eccezziunali, hè un ingridienti ideali pà l’appruntera di parechji ricetti, saliti o inzuccarati, tradiziunali o nuvatrici. Si ritrova ind’i sosuli famosi com’è i fritteddi, i nicci o ancu a pulenta. Ma pò ancu rimpiazzà a farina di granu ind’a cumpusizioni di parechji prudutti d’ogni ghjornu : pani, pasti, vultati, biscotti, pani grattulati…
Par via di i so prupietà contru à l’allergii, hè urdinata ind’u casu di certi allergii à i pruteini è ind’u particulari u gluten.
