I frutti è ligumi di Corsica
Assai freschi, assai vicini
L’arburicultori è l’urtulani corsi mettini in baddu un’agricultura raghjunata, rispittosa di l’ambienti. Issa indiatura si manifisteghja par via d’una lotta biulogica intigrata è u riciculu di i scarti.
Ponini variità adatti pà prupona prudutti cù una qualià gustativa di prima trinca. I frutti è ligumi corsi sò più savurosi è più freschi : sò colti quand’eddi sò maturi è ghjugnini ind’i vostri piatti guasgiu senza trasportu nè essa stati in pruvista.
A pruduzzioni isulana hè custituita d’una trentina di rifarenzi, pà u più pruduzzioni di branu è d’istati : pumati, miloni, parsichi, brignò, patecchi, baracucchi, zucchetti, fravuli, uva pà a tola, insalati, cucumari, pivaroni, milinzani, prugnuli, meli, chjarasgi, biettuli… feti a scelta bona !
A cipolla di Capicorsu:
A civodda dolci di Capicorsu, chjamata dinò « Cipolla di Siscu » par via di l’impurtanza di a so cultura in issa cumuna, era posta ind’i tempi à nantu à issu tarritoriu. Abbandunata à pocu à pocu dopu à a calata campagnola è l’esodiu di u XXu seculu, a so cultura cunnosci oghji un rinnovu ind’a micrurighjoni.
Da u puntu di vista aromaticu, a civodda di Capicorsu si sfarinzieghja da l’altri variità par via di a so dulcezza, a dibulezza di a so prupietà lacrimogena è a prupurzioni urighjinali di i so cumposti aromatichi. Si tratta à veru d’una variità assai urighjinali, liata à u tarritoriu capicursinu.
Si trova in vendita, fresca, à parta da u mesi di ghjugnu, nanzu ch’edda sia bè matura. A civodda pà cunsirvà hè cummircializata una volta secca, à parta da a mità d’aostu.
