Aghjugna à u vostru librettu di strada

Laurent LE STUNFF

Domaine De Catarelli

Vini AOP Patrimoniu - Muscatu AOP di u Capicorsu – Campeghju à a tinuta - alloghi campagnoli.

Accolta : Da u 15 d’aprili à u 31 d’uttrovi

I tarritorii : Nebbiu - Capi Corsu

I catigurii : I vini, I toli & stanzi d’ospiti, ustarii agriculi & alloghji campagnoli

I pruduzzioni agriculi : I Vini di Corsica

Marine de Farinole
20253 Farinole
  04.95.37.02.84
  laurent036@gmail.com

U duminiu di Catarelli supraneghja u golfu di San Fiurenzu. Di fronti à eddu, di tempu latinu, si stacca a bedda marina di Saleccia. Un locu strasurdinariu. Laurent Le Stunff, di ritornu in 1990 dapoi studii d’enulugia in Montpellier, n’hà cuscenza. A l’epica di u so arcimissiavu è a so arciminnanna, i lenzi di u vignetu falavani sinu à u mari ! « Avè vigni à lingua di mari, hè assai scarsu. È viramenti sanu. L’aria marinu risana u vignetu. È quissa dà à u vinu muschi particulari ».  È puru Laurent adimetti certi difficultà liati à una tali spusizioni – i venti forti poni brusgià i graspi i più chjuchi o ancu a vegetazioni vicina - Ma ùn hè micca u primu à essa custrettu à rispittà li : l’ottu ettari di u duminiu asistini dapoi 1880 !

Ziteddu, Laurent aiutava u so babbu à imbuttiglià. Ghjuvanuttonu, vindimiava è accuglia i visitadori :  « Ammaistrà a so vigna, hè fighjulà la è veda la crescia cù sè ». Oghji travaglia pà pruducia un vinu di prima trinca, in u rispettu di a tradizioni famigliali ricunnisciuta è salutata. U ricordu di u premiu ricivutu in Bastia, in 1950, pà una buttiglia d’Impassito, un vinu dolci rinumatu, basta da stimulà u so timperamentu discretu. «  Una midaglia, ma micca n’importa qualessa : a prima midaglia d’oru di u Patrimoniu. ! »

À u frescu di i pini maiò di u duminiu, trà u verdi purpurinu di i vigni è u turchinu di i marosuli, Laurent hà stallatu uni pochi di piazzi pà campighjà.  Affinchì u visitadori tasti prima cù l’ochji a biddezza ch’eddu biarà dopu in buttiglia…
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).
‹‹ Ritornu