Aghjugna à u vostru librettu di strada

Marie-Brigitte POLI

CLOS TEDDI

Vini AOP Patrimoniu

Accolta : Visita di a cantina : solu nantu à appuntamentu. Puntu di vendita situatu ind’a stretta principali di u paesi di San Fiurenzu. Apartura da u 15 d’aprili à u 15 d’uttrovi - Da 9h 30 à 12 h 30 è da 16h à 20h.

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

CASTA
20217 Saint Florent
  09.66.82.24.07
  clos.teddi@orange.fr |   www.closteddi.fr

Portabandera di u Clos Teddi dapoi 17 anni, Marie-Brigitte Poli sà sempri induva andà ! In u 1997, à a ghjovana donna li tocca à fà fronti chì u babbu si ni mori troppu prestu è devi dà pettu à una rispunsabilità impurtanti : sia abbandunà u duminiu viticulu cù u prughjettu di una cantina particulari, sia ripiglià a splutazioni. Ùn ci hè dubbitu.

« Babbu hà cunsacratu a so vita à sti vigneti. U so scopu maiò era di custruì una cantina. Era u me duveri di rializà u so sonniu. Par eddu. »

Marie-Brigitte ùn si ni penti micca. À 23 anni si metti à u travagliu è capimachja vulintaria, faci prestu u so vinu à a fini di l’anni 1990. « 1999 : a me prima buttiglia in appillazioni Patrimoniu. Una nascita doppia, à tempu à quidda di u me figliolu Joseph ! Hè stata un’annata forti ! » Parlendu di i difficultà passati Marie-Brigitte si faci pinsosa. « Cù l’anni ci hè da dumandassi comu si sò pussuti supranà tutti sti provi…Ma avà, sò cunvinta di avè fattu a scelta bona. Dopu missu u pedi in i vigneti semi subitu chjappi in st’universu ma hè  sopratuttu un piacè tamantu ! »

Oghji Marie-Brigitte hè à u capu di 38 ettari è pruduci vini rossi, bianchi è chjarasgini. Hè dinò pronta à rializà u prughjettu di a famiglia : sarà aparta a cantina di u duminiu in u 2015. Longa vita à u Clos Teddi !
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).