Aghjugna à u vostru librettu di strada

Eric POLI

CLOS ALIVU

Vini AOP Patrimoniu

Accolta : Visita di a cantina : solu nantu à appuntamentu.
Puntu di vendita situatu ind’a stretta principali di u paesi di San Fiurenzu .
Apartura da u 15 d’aprili à u 15 d’uttrovi - Da 9h 30 à 12 h 30 è da 16h à 20h

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Dopu avè riisciutu à u DESS di Finanzi, Eric Poli principia a so attività prufissiunali in Parighji in u 1993 è a si piglia Sala di I Marcati. Chì caminu hà da piglià tandu u ghjovanu trader par vultà in Corsica, trè anni dopu, nantu à a splutazioni agricula di a famiglia ?

Pinsosu, ci spiega : « Hè difficiuli da spiegà stu sintimu. Senza dubbitu hè a nostra educazioni isulana chì ci lea, d’una manera irraziunali à sta tarra…”

Cù u babbu Ange è u frateddu Antoine, vinificheghjanu i so buttigli è danu nascita à u Duminiu di Piana in u 1996. Mentri quasgi 10 anni, Eric hà da stenda i so tarreni è pruducia Vins de Pays vicinu à Bravone. 

In u 2005, Yves Leccia li faci sapè chì 3 ettari sò dispunivuli in Oletta. Cusì nasci u Clos Alivu ! Ùn ci hè tantu Eric s’hè cumpratu 10 ettari in più è l’hà da pona è usservà cun pacienza. Teni quantunqua in mimoria i difficultà di u principiu, u custatu di una prufissioni chì tandu ùn era tantu strutturata.

Ma tal babbu, tal figliolu ! Eric hè un omu chì s’impegna. Prisidenti di u Sindicatu d’Aleria in u 2000 è oghji Prisidenti di u Cumitatu Intersindicali di i Vini Corsi (CIV Corsica), dà cura à u sviluppu di a trafila. « U primu cartulari hè statu di riclassà a Piaghja Urientali cù a primura di ricunquistà un patrimoniu in AOC. Criditimi puru : sò longhi i me ghjurnati ! Ma s’arricchisci omu quand’eddu si scambia cù l’altri attori di u mondu di a viticultura. » U vinu, di sicuru !