Aghjugna à u vostru librettu di strada

Antoine-Marie ARENA

Domaine Arena

Vini AB / AOP Patrimoniu

Accolta : Aprile, maghju, sittembre, solu à a cantina pigliendu un appuntamentu /
ghjugnu-lugliu-aostu, da u luni à u sabbatu trà 4 ore è 7 ore di sera.

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Inde a famiglia Arena, si dumanda u figliolu minò, Antoine-Marie. Bella zappata ! Serà ancu un pleonasma per sti vignaghjoli chì travaglianu a vigna di leva in purleva.

"Hè sacratu per mè u nome di 'vignaghjolu-paisanu', cunfideghja Antoine-Marie, u minò, dunque, issu (guasi) giuvanottu di 38 anni è dinamicu assai. Impone sta tradizione di travaglià in permanenza inde e vigne, d'avè i pedi arradicati inde sta terra." Hà per risultatu sta forza di travagliu una maestria acutadi a terra calcinosa è matticciosa assai particulare ch'ellu trova omu inde u rughjone di u Nebbiu. Subbitu in u 1995 hè statu impegnatu tuttu u duminiu - cù e particelle di u so babbu è di u so fratellu, Jean-Baptiste - inde una mossa Natura, una cuncipitura chì duvia cunduce à u labellu Agricultura Biologica (AB).

"Sò sempre state travagliate e culture secondu u rispettu di u vivu è di a terra, fin'à a cantina è senza pruduttu enologicu. Hè propiu l'essenza di a nostra dimarchja", cumplette Antoine-Marie. Hè sustenuta st'esigenza da un fraiutu famigliale, in particulare da a parte di a so sposa, Sandra, cun quale facenu una vera pariglia. Vole fà cresce u coppiu a so pruduzzione di buttiglie, i so sei ettari cù una particella nova di Niellucciu è ghjunghje à un paisaghju più diversu cù a piantazione d'alivi. Cù l'Arena, ùn si tratta mancu appena di sbracà !