Aghjugna à u vostru librettu di strada

Jean MARY

Meli AOP

Accolta : Tuttu l'annu nantu à appuntamentu

I tarritorii : Casinca - Castagniccia - Costa Verde

I catigurii : I meli

I pruduzzioni agriculi : I Meli di Corsica

« Aghju avutu vint’anni in u 1968. Cusì, si pò dì chì facciu parti di i tricaticci di u Sissantottu ! » ci dici Jean Mary cù una risata.

St’idealistu cumbattivu, appena maliziottu hè tecnicu di mistieri par l’industria duranti deci anni in Liò. Po u paesu nativu di i genitori l’attraghji com’è a calamita, si ni volta in Poghju è Mizana in u 1977 è crea un impresa d’apicultura.

I vinti primi anni sò “anni di galera” chì a prufissioni hè à malavia. Ma Jean ùn hè di quiddi chì cappiani. S’impegna in una lotta d’ogni ghjornu par fà di u meli di Corsica un pruduttu idintitariu ricunnisciutu. Veni una prima vittoria di ghjinnaghju 1998 chì hè data l’Appillazioni d’Urighjini Cuntrullata (AOC). Ma par Jean a lotta cuntinueghja. Prisidenti di    u sindicatu AOC da u 1999 à u 2007, travaglia senza arichità par prumova è difenda l’apicultura isulana.

Oghji, sempri in cerca di una qualità suprana, pruduci un meli diliziosu ch’eddu prova à migliurà senza spustà, « chì u più impurtanti hè di crià. » Si senti bufunà in   i so 250 bugni in a paci d’un locu incantevuli, in piena machja, sopra u mari. Quandu pensa à a strada fatta Jean si ralegra d’avè cuntribuitu à unificà l’apicultori corsi è avè pussutu trasmetta a so passioni di l’abi. A so figliola Chjara, ammirativa di a so lotta, hè dicisa à cuntinuà nantu à a stessa strada.

68, divizia !