Aghjugna à u vostru librettu di strada

Yves BURESI

Miel du Taravo

Meli AOP

Accolta : Tutta l’annata dopu appuntamentu.

I tarritorii : Sartinesi Valincu Taravu

I catigurii : I meli

I pruduzzioni agriculi : I Meli di Corsica

In prima, Yves Buresi avia sceltu un mistieri medicali è avaria pussutu fà uni pochi di piccaturi. Ma u distinu l’hà purtatu à nantu à una via induva si senti u bufunimu è à supurtà altri …piccaturi, i pugnituri di l’api cun quali campa dapoi più di 30 anni. Hè duvintatu una vera passioni : « Sò statu uni di i primi à praticà l’apicultura prufissiunali in Corsica. È aghju participatu, cù d’altri, à strutturà tutta a trafila. », ci spieca l’apicultori.

« Aghju sceltu di campà in armunia cù a natura è cercu à seguità u so ritimu. A splutazioni hè posta à u cori di u situ preistoricu di Basi, locu di rifarenza par l’archeulugia corsa, è ci nasci un meli chì, di sicuru, hà sempri u stessu gustu dapoi middai d’anni.

Mi faci sunnià quandu mettu à pinsà chì i nosci antinati, in tempi di i tempi, tastaiani u stessu pruduttu ch’è ricoddu oghji. », ci conta cun passioni. Quì, ogni staghjoni hà sempri purtatu a so carca d’essenzi meliferi è Yves Buresi ni ricaccia a parti migliori dapoi più di trenta anni.