Aghjugna à u vostru librettu di strada

Antoine NEGRETTI

Meli AOP

Accolta : Toute l’année.

I tarritorii : Balagna

I catigurii : I meli

I pruduzzioni agriculi : I Meli di Corsica

Antoine Negretti cunnosci bè u mondu di l’abi. I studieghja prima cù apicultori assai pratichi, po dopu ellu solu, par via di litturi è d’un’amparera nantu à u tarrenu di più di 30 anni. “ I libri m’ani avvizzatu à i tecnichi. Ma hè fighjulendu bè è cù a cunniscenza di u lucali ch’aghju capitu u funziunà di ciò ch’e chjamu oghji ‘a me armata’ duva a righjina saria u gradu u più altu !” conta Antoine.

Hè spassighjendu in famiglia chè da ziteddu, si passiuneghja pà l’apicultura. Scuprendu i splutazioni vicini, sapia ch’un ghjornu, avaria u so propiu bugnaghju. “ Ciò chì mi maravigliava, era di veda st’animali, cappiati ind’a natura, vultà sempri in ‘casa soia’. Un’ aghju micca cambiatu u so cumpurtamentu : lasciu i me bugni cusì, salvatichi. S’elli ùn pruducini micca meli ? E bè sarà par l’annu chì veni !”.

Pà st’apicultori-amatori’, sicondu i so propii parolli, hè di primura a passioni : quilla di l’abi di sicuru, po quilla di a so isula nativa. Suzanne – a so sposa è animatrici  dipoi trè anni ! – s’arricorda : “Vulii essa com’è ind’a canzona ; insù di l’affissu ! è Antoine aghjusta : “ Iè pà purtà cù fiertà a testa mora à cantu à a me casata !”

Quandu si teni caru, ùn si conta !