Aghjugna à u vostru librettu di strada

Jean-Claude GRAS

A Matricula

Meli AOP – Pani di spezii – Bombò

Accolta : Tutta l’annata / da u luni à u sabbatu, 3 ori-7 ori di sera è nantu à appuntamentu.

I tarritorii : Balagna

I catigurii : I meli

I pruduzzioni agriculi : I Meli di Corsica

A Matricula hè nanzu à tuttu una bella storia di famiglia. Insemi dipoi u 2008, Jean-Claude, Estelle, è i so dui  figlioli, François è Joseph, travagliani nantu à a ricerca qualitativa è a missa in valori di i so pruduzzioni. Principia tuttu cù a ricunvirsioni prufissiunali di Jean-Claude. « Aghju sempri avutu issa passioni pà l’abi, allora un ghjornu, ùn si rifletti più, ci furmemi è si piglia a dicisioni d’ingaghjà si in issu prughjettu ! » Estelle, ella dinò, si lampa cù piacè ind’ì l’impresa ! Dipoi u 2012, s’hè cunsacrata a maiò parti di u tempu à a cunfizzioni di pani di spezii, biscotti, è altri spizzicheghji cù i sei parfumi dighjà prisenti ind’u listinu di i meli A Matricula.

Ogni mani, hè prisenti, sei mesi à l’annu, nantu à u marcatu di Lisula è ogni dopu meziornu à a milaria. « Un’ci hè tempu da perda, l’eti capita ! » dici ridendu a patrona di casa. Tantu più chì u coppiu t’hà oghji 190 bugni ! Abbisugnava un aiutu, è François, dopu à un’amparera ind’u duminiu cummirciali, sarà prestu diplumatu pà pudè valurizà a splutazioni à fiancu à u so babbu. E’ pà fà cunnoscia i sapori A Matricula, hè di primura d’avè una cumunicazioni bona ! Hè Joseph, u minori, chì guarantisci a criazioni grafica. Tutti in accordu, a famiglia Gras hà fattu a rinomina maiò d’un pruduttu eccezziunali ! : u meli fattu in Corsica !