Aghjugna à u vostru librettu di strada

Nicole HUBER BALAND & VERSINI José

Meli AOP - Cunfitturi d'agrumi è di frutti di staghjoni - Terrini

Accolta : Tutta l’annata.

I tarritorii : Dui Sevi-Dui Sorru - Cruzini - Cinarca

I catigurii : È dinò…, I meli

I pruduzzioni agriculi : I Meli di Corsica

José Versini hè un omu passiunatu è cunvintu. Si cunsacra à a so attività d’agricultori dapoi trentasei anni. Ind’u filu di a tradizioni famigliali, José scegli di stallà si ind’u so paesi di Cristinacce, à a fini di i so studii in 1978. « Essa addivatori hè sempri statu pà mè un’affari naturali, ci dici. Sapiu chì stallà si saria difficiuli, sopratuttu à u principiu ! Ma par mè era impussibuli di rinuncià è ùn pinsavu cà à issa voglia quì. ». U ghjuvanottu scegli prima l’addevu di i capri è di i porchi. Ma u picculu bistiami di capri hè istrosu, senza disciplina ! José prifirisci siparà si ni è in 1984 scegli solu l’addevu di i porchi – cù uni pochi di vaccini - è a trasfurmazioni in salameria. « A qualità di a nostra salameria palesa sta vuluntà d’ammaistrà tutta a catena di fabricazioni, è di pruducia cù un veru sapè fà. »

José ùn hè micca solu in st’impresa. Hè aiutatu da Nicole, a so cumpagna di sempri. Insignanti in Alimagna, Nicole volta à a scola è suvita una furmazioni apicula in Corti. In 1984 cù u so diplomu, stalla i so bugni è pruduci un meli ghjinirosu, riccu, labillizatu in appillazioni d’urighjini prutetta. Cunfizziuneghja dinò cunfitturi artighjanali squisiti. « Ognunu a so staghjoni ! » dici José, allegru. Cusì, l’attellu hè invistitu tutta l’annata !