Aghjugna à u vostru librettu di strada

Joseph-Marie SABIANI

Casgiu casanu è picurinu - Brocciu AOP

Accolta : Tutta l'annata.

I tarritorii : Centru di Corsica

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu, Agneddu lattaricciu è caprettu

« Par quiddu chì t’hà a vulintà ci hè sempri una strada ! »  (Winston Churchill).

Si pò mintuvà sta frasa par parlà di a vita prufissiunali di Joseph-Marie Sabiani. Ci conta u pastori curtinesi : « Babbu è mamma ùn eranu pastori è aghju cuminciatu cun pocu, solu cù una casetta in legnu è qualchì càpita. Aghju sempre sappiutu ciò ch’aviu da fà più tardi è aghju tinutu sta strada. » Benchì semplici è discretu par parlà di i so sforzi, ci hè vulsutu di sicuru vulintà è travagliu par ghjunghja à purtà una struttura muderna è attiva di 350 pecuri è 250 capri è pruducia unu di casgi i più rinumati di u rughjonu.

« Oghje, sò furtunatu di pudè piglià un pocu di distanza cù u travagliu. A mio surella, cù l’aiutu di babbu, s’incaricheghja di fà u casgiu è aghju à qualchissia par dà mi una manu par curà a banda. » ci spieca Joseph-Marie.

Avà, postu chì hè duvintatu capu d’impresa quant’è pastori, faci u prughjettu di fà cambià cù serenità a so struttura prugramendu prestu l’apartura di un albergu campagnolu nantu à i tarri à monti è à vaddi chì supraneghjani à Corti.