Aghjugna à u vostru librettu di strada

Jean CARDI et Fils

GAEC D'ALISTRU

Furmagliu picurinu – Brocciu AOP – Agneddi lattaricci

Accolta : Tutta l’annata

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi, È dinò…

I pruduzzioni agriculi : Agneddu lattaricciu è caprettu, U casgiu corsu, U Brocciu

Ind’è Jean Cardi, l’accolta hè fistiva ma diretta, com’è a parolla ch’eddu voli franca è senza ambacu. Di sicuru chì Jean Cardi hè un parsunaghju, ma hè nanzu à tuttu un omu, cù i so forzi, i so eccessi, i so cuntradizzioni dinò, è eddu stessu si ni ridi ; cuntradizzioni chì u rendini da veru simpaticu è piacevuli. Jean Cardi hè sopratuttu un travagliadori accanitu chì hà sappiutu trasmetta à i so dui figlioli i valori chì facini sicondu eddu, un bon’agricultori : l’amori di u travagliu ben fattu è u rispettu di a tarra chì u nutrisci.

Oghji, cù un bistiami di 500 pecuri, I Cardi, babbu è figlioli, campani cù piacè è asgiu à nantu à l’ettari di i tarreni di i cuntorni. Ghjuvanni hè fieru di u travagliu fattu dipoi più di 40 anni, fieru dinò d’avè sappiutu sparta a so passioni cù i so figlioli.

« Mi battu dipoi sempri pà difenda i picculi splutazioni famigliali. Riprisentani l’identità sicularia di l’agricultura corsa è devini essa prutetti. Quandu vecu i me dui figlioli piglià u seguitu di a splutazioni cù a brama di fà la evuluà è prugrissà, socu suddisfatu » ci cunfidi Ghjuvanni cù emuzioni.