Aghjugna à u vostru librettu di strada

Jacky PANDOLFI

Le relais

Viteddu -Albergu

Accolta : Puntu di vendita è albergu tutta l’annata / chjamà par andà à veda u locu di sfruttera.
Chiusu dumenica è luni tuttu l'annu

I tarritorii : Sud Corse

I catigurii : I toli & stanzi d’ospiti, ustarii agriculi & alloghji campagnoli, L’addevu, a robba purcina, i casgi

I pruduzzioni agriculi : U viteddu di Corsica

L’albergu Le relais, postu in u centru di u paesu di Sotta, hè un locu induva si campani i suttinchi è a ghjenti di passaghju dapoi 44 anni !

Dopu à a minnana po à a mamma, hè tuccata à Jacky Pandolfi è à Véronique, a moglia, di piglià a seguita. Ani a furtuna maiò di essa aiutati da i so trè figlioli : Margaux, Jacques-Antoine è Pierre-Olivier.

Véronique, chì cumanda in cucina, si dà di rimenu par valurizà a pruduzzioni di u capu di famidda. In priurità ci s’assaghja a so famosa carri vitiddina, accumudata di diversi maneri, da manghjà in albergu o da purtà in casa cù piatti in cunserva.

Hè tuttu u fruttu di una passioni par l’addevu di i vacchi, una tradizioni antica par a famiglia Pandolfi.

In u 1998 Jacky adunisci a so prima banda di l’animali, si spicializeghja par spizzà a carri vitiddina corsa è metti à travaddà cù i risturanti rinumati di Corsica, hè cusì purtatu à circà una scelta d’animali d’alta qualità.

Hà da sceglia a razza Aubrac, hè quidda chì currispondi u più à a noscia tarra. D’altrondi, stu bistiamu magnificu hè silizziunatu è scrittu à u « Registru Qualità Vaccina » !

Hè a passioni di sta forma d’addevu chì hà da purtà Jacques-Antoine è Pierre-Olivier à tramandà a tradizioni !

Ind’è i Pandolfi, hè tuttu robba di trasmissioni è di spartera…