Aghjugna à u vostru librettu di strada

Françoise CIANFARANI

U Pastureddu

Casgiu picurinu – Brocciu AOP - Alloghji

Accolta : Dopu appuntamentu / da ghjinnaghju à ghjugnu / fabricazioni di u Brocciu a matina / vendita di Brocciu è di casgiu / lugliu-aostu, vendita di casgiu.

I tarritorii : Sartinesi Valincu Taravu

I catigurii : L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

I pruduzzioni agriculi : U casgiu corsu, Agneddu lattaricciu è caprettu, U Brocciu

Ancu s’edda hè Françoise Cianfarani chì oghji dà capu incù rigiru à a so splutazioni è à a so banda di i pecuri, hè stata cù Antoine-Dominique chì u coppiu hà cuminciatu à travaddà in l’agricultura. « Facia u purcaghju ma ci hè statu un focu maiò in l’anni 80 è ci aghju persu uni beddi pochi d’animali. Tandu, cù a me moglia avemi riflettutu è po dicisu di riparta nantu à un’antra strada : cambià a nostra manera d’addivà è Françoise saria à u capu », spieca Antoine-Dominique cù simplicità. È si pò dì chì ci hè sbuccata Françoise, cun garbu è risuluzioni. A sà ch’edda pò cuntà nantu à l’aiutu di u maritu ma, Françoise s’incaricheghja di a banda, di fabricà u casgiu è di gestì l’alloghji.

Eppuri : tal mamma, tal figliola, oghji l’aiuta a so figliola chì dà di manu à ogni faccenda in a splutazioni senza scurdà si di u so ciucciu. «Sicura ch’ùn hè un mistieri faciuli, ma ci faci piacè ch’edda piddessi a seguita. Ci pari cusì d’ùn avè travaddatu indarru. », dici u coppiu par cuncluda, à tempu felici è fieru.