Aghjugna à u vostru librettu di strada

Carine CROCE

a funtanella

CASGIU CAPRUNU - BROCCIU AOP - OVI FRESCHI

Accolta : Di dicembre,a aprile da u luni a u sabàtu

I tarritorii : Casinca - Castagniccia - Costa Verde

I catigurii : L’addevu, a robba purcina, i casgi

I pruduzzioni agriculi : U casgiu corsu, U Brocciu

À u primu scontru si risente subbitu u caratteru di a ghjovona pastore ! Carine Croce mischja u bunumia è a gioia incù a vulintà è l’ambizione. Un’ambizione simplice è nobile di campà di a so attività è di sviluppà la cunservendu una qualità di vita ch’ella rivendicheghja è ricerca in core di a Castagniccia.

"Sò ingrandata à mezu à l’animali è vicinu à un babbu chì avia un caratteru forte ma chì hà saputu tramandà ci unipochi di valori frà i quali l’amore di u travagliu fattu bè !” ci dice Carine. Tal’ calzu tal magliolu, tal’ babbu tal’ figliolu, a figliola hà seguitatu a strada tracciata da u babbu dopu à unipochi d’anni in a cuntabilità. “Ùn pudiu stà in a cuntabilità. Mi piacia troppu a libertà, a natura è u cuntattu incù l’animali.”

Incù u so cumpagnu, scopre sta casa in Croce è decide di lancià si in sta sfida. Cura e so prime capre à mezu à i castagni seculari è perfezziuneghja in furia a so amparera di a fabricazione di u casgiu è di u brocciu. Sta dunnetta si face cunnosce è ricunnosce subbitu in u rughjone. Ogni ghjornu, multiplicheghja i pass’è veni per purtà a so robba in i paesi à l’intornu. Malgradu e ghjurnate tracarche, privede oghje a ristaurazione di i vechji nucioli è a punera di un ortu. Da chì pudè sazià u so bisognu di creà è spannà si in a so vita nova !