Aghjugna à u vostru librettu di strada

Antoine FUCHS

Sant 'Antone

Furmagliu campagnolu - Brocciu AOP caprunu - Vendita di capretti

Accolta : Da nuvembre a ghjugnu

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu, U Brocciu


20115 Piana
  06.12.75.21.73
  josephpiana@orange.fr

Antoine Fuchs hè riesciutu à risolve l’impussibule equazione di a ghjuventù è di a sperienza. Stu ghjovanu pastore di una vintina d’anni dirige dighjà a so splutazione tale un maestru. Ch’ella si trattessi di a cura di a banda di capre o di a fattura di u casgiu, pare chì ùn ci sia nunda chì li possi fà perde u cuntrollu.
“U mo babbone era pastore, i mo zii eranu pastori è l’aghju visti travaglià dapoi a mo zitellina. Aghju imparatu accantu à elli senza rende mi ne contu.” spiega u ghjovanu pastore chì aghjusta “À dì la franca, ùn aghju mai pinsatu à fà altr’affare. Aspittavu solu d’avè l’età chì ci vole per avè a mo propiu splutazione.”
Basta à vede à Antoine fà u so brocciu per capisce a sperienza acquistata. Face stu “famosu brocciu di Piana” cum’ellu si deve, vale à dì à u focu à legnu è in una paghjola di ramu.

È ci spiega chì : “S’è omu vole fà u pruduttu parfettu, ci vole à esse paziente. A cucitura à u focu à legnu t’impone duie volte di più tempu di cucitura chè u gasu.” Ma u risultatu ùn hà nunda à chì vede : un brocciu untosu di un sapore eccezziunale chì hà avutu u tempu è a cura necessaria per esce à gallu di u seru.


S’è u brocciu di Piana hà fattu a so nomina longu à l’anni, hè di sigura per via di a passione è u sapè fà chì ùn si pò paragunà di pastori cum’è Antoine Fuchs chì tramandanu incù u stessu ardore una tradizione pasturale seculare.
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).