Aghjugna à u vostru librettu di strada

Jean-François ORSINI

Gaec A Petra Catinata

Accolta : Accolta : da u mese di ghjugnu à sittembre, ogni mane da 9 ore à meziornu / d’ottobre à maghju, u mercuri è u sabbatu da 9 ore à meziornu.

I tarritorii : Balagna

I catigurii : L’addevu, a robba purcina, i casgi

I pruduzzioni agriculi : U viteddu di Corsica, Oliu di Corsica

Jean-François Orsini hà passatu a so zitellina in core à a spluttazione di famiglia.
A so caccara, Marie-Jeanne, tenia u macellu artisgianale di u paese di Calinzana. « L’allevu hè una tradizione inde a nostra famiglia, dapoi parechje generazione, conta Jean-François. Per mè, l’agricultura hè stata à l’iniziu un’attività secundaria. Quandu mi sò avvistu ch’ella mi turmintava a mente, aghju francatu u passu !

À 40 anni, piglia a seguita di i so parenti, Annie è Antoine. Mossu da a so brama d’autunumia, Jean-François produce u furagiu ch’ella abbisogna a so banda è stalla u so attellu di ritaglia vicinu à u cunsumatore.
E duie centu bestie ch’ella conta oghje a so banda pasculanu nant’à e terre di famiglia, vicinu à l’alivetu. « A mo mamma hà cultivatu st’arburi durante più di vint’anni. Vogliu tramandà sta lascita è ingrandà torna a nostra tinuta », ci cunfideghja l’agricultore.

Inde st’impresa, Jean-François ùn hè micca solu : appughjatu da u so babbu, à fiancu à u so fratellu Jean-Noël, innamuratu anch’ellu di libertà ; avviatu da i cunsiglii di a so mamma è accumpagnatu da a so sposa, cucinara di prima trinca, u nostru agricultore passiunatu si tene tuttu ammanitu per apprudà si di un avvene chì face sperà !