Aghjugna à u vostru librettu di strada

Jean Pierre ANTONETTI

Furmagliu di capra - Brocciu AOP - Oliu d'aliva AOP

Accolta : D'aprile à aostu, furmagliu + oliu d'aliva / d'aprile à a metà di lugliu, + brocciu.

I tarritorii : Sud Corse

I catigurii : L’addevu, a robba purcina, i casgi, In ghjiru à l’alivu è u castagnu, In ghjiru à l’arbureti è l’orti

I pruduzzioni agriculi : U Brocciu, U casgiu corsu, Oliu di Corsica, I frutti è ligumi di Corsica

Hè spurtiva l'andatura di Jean-Pierre Antonetti chì viaghja cù asgiatezza frà e so bande. Ùn ci hè propiu da stunà ci cù st'anzianu ghjucadore di ballò prufeziunale. "Hè vera ch'ella era piacevule sta carriera", cunfideghja l'omu. Ma aghju ricevutu un'educazione in leia cù u mondu rurale, mudesta ma sputica. Hè ciò ch'o bramava."

Cù i so caccari è u so ziu pastore, ampara Jean-Pierre u travagliu di a terra. Quand'ella si prisenta l'uccasione in u 2009, ùn esiteghja mancu una stonda : ripiglia a sfruttazione d'allevu ovinu è caprunu. "Ci sò stati i strapazzi, ricunnosce l'agricultore cun timichezza. Ma a si meritava d'esse rilevata a sfida. Oghje, nant'à guasi 100 ettari, campanu più di 200 bestie è ci arrecanu u latte per fà i nostri furmagli. Hè un pezzucciu di Corsica ch'aghju da pudè trasmette cun fierezza à i mo figlioli !"

Intantu, à Jean-Pierre ùn li manca u sustegnu chì l'aiutu di a famiglia ci hè per a pruduzzione. Luntanu da u trostu di i stadii, dopu à e corse sfrenate, cerca l'omu di 41 anni un mondu più surraccu è fattu di valori simplici. Più chè un modu di campà, una filusufia vera !