Aghjugna à u vostru librettu di strada

Nicolas CAPODIMACCI

Salameria AOP

Accolta : Da dicembri à a fini di marzu / nantu à appuntamentu.

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

S’è vo passeti un ghjornu pà Rusazia trà 6 ori di mani è 9 ori di sera, avareti forsi a furtuna di scuntrà issu ghjovanu di trenta anni chì cunduci cù listessu ardori è listessa passioni i so porchi sottu à i castagni millenarii, u so camiò carcu di stari di legni o a trattopalla di a so piccula impresa di BTP.

Ma quali hè Nicolas Capodimaci ? Un addivatori, un sbuscadori o un cunduttori di palla ? In pochi parolli, un omu passiunatu da issu tarritoriu ch’ellu hà fattu soiu è ch’eddu prova à fà campà par via di u so travagliu.

A so vita di vinditori di macchini à caffè in Aiacciu ùn hè più cà un vechju ricordu, una parentesi chì l’hà sviatu par un tempu da u so sonniu zitiddinu : campà in paesi ! In fin’di contu, ancu s’eddu hà sceltu quillu di a so moglia pà stallà ci a so attività, u più impurtanti si trova quì, in issi vaddi è issi costi di u Cruzini.

Nicolas ci rializeghja ogni ghjornu a so brama : campà di a so tarra è di u travagliu di i so mani. St’omu chì ùn pianta mai, ùn faci mai i cosi à mità è t’hà u listessu ardori pà difenda una salameria labillizata in appillazioni d’urighjini cuntrullata, pà intruducia torna u Porcu nustrale sputicu o gestiscia di modu ammaistratu a furesta corsa.

Canseti vi ind’è Nicolas Capodimaci,  sarà un scontru passiunanti !
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu