Aghjugna à u vostru librettu di strada

Ange PASTINELLI

Oliu d’aliva AOP

Accolta : Marcuri, vennari, sabbatu è dumenica / tutta l’annata

I tarritorii : Nebbiu - Capi Corsu

I catigurii : In ghjiru à l’alivu è u castagnu

I pruduzzioni agriculi : Oliu di Corsica

Palmintuccio
20232 Olmeta di Tuda
  04.95.39.07.18 |   06.23.24.75.29/06.09.02.05.19
  agrotella@orange.fr

Campà di a so tarra, in armunia cù a natura è travaglià in famiglia : hè sempri stata una vucazioni par Ange-Joseph Pastinelli chì hè eddu stessu figliolu è bisfigliolu d’agricultori. Hè in u so picculu paesu assulanatu : l’Ulmeta di Tuda, sopra à u golfu di San Fiurenzu, è nantu à un tarrenu di quasgi 4 ettari, ch’eddu hè ghjuntu à impiantassi è à pona i so 780 alivi.

I so alburi intratinuti di manera parfetta sò sempri curati cun attinzioni è si trovani in               i cundizioni pradiletti par dà frutti di dui varietà d’alivi : a Biancaghja è a Ghjermana, chì dani, missi insemi, olii di sapori svariati. Ci dici cù un surrisu : « Sò da veru fieru di sprima     i culori di i me lochi è prupona à i visitanti un oliu di una qualità artighjanali ! »

Classificata in AOP, u so oliu A Grotella, hè in parti travagliata in i cantini di a so casa induva un spaziu maiò hè statu accunciatu par passà è fà schjarì in una tina u liquidu priziosu è po metta in buttiglia è incullà eticchetti à nantu.

Si pò vena à tastà dirittamenti à u duminiu, à u frescu sottu à l’alivi o in un beddu caseddu, rifattu in tuttu, chì ricorda l’antichi pagliaghji.

Pocu impremi a raghjoni, viniti à annasà l’udori, à tastà è à scopra i sicreti di l’oliu d’aliva, Ange v’hà da spiecà i so sapori è a migliori manera di adupralla par cundì i piatti.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).