Aghjugna à u vostru librettu di strada

Olivier BARDIN

Oliu d’aliva AOP- Cipolle di Capicorsu - Alloghji

Accolta : Tutta l’annata. 9h-18h

I tarritorii : Nebbiu - Capi Corsu

I catigurii : In ghjiru à l’alivu è u castagnu, In ghjiru à l’arbureti è l’orti, I toli & stanzi d’ospiti, ustarii agriculi & alloghji campagnoli

I pruduzzioni agriculi : Oliu di Corsica, I frutti è ligumi di Corsica

Ci sò lasciti chì trasfurmeghjani una vita… hè ciò chì hè accadutu à Olivier Bardin. Un ghjornu, u so ziu Roch li porsi una scatuletta di graneddi pà eddu più preziosi cà l’oru : l’ultimi graneddi di sumenti di i civoddi dolci « di Siscu »

Uni pochi d’anni dopu, mentri chì Olivier s’annoia ind’un postu di funziunariu in Montpellier, i graneddi ricivuti in lascita farani nascia in eddu u prughjettu d’un ritornu in Corsica. Una dimarchja nustalgica, rumantica diciarani certi… ma micca solu ! S’eddu t’hà qualchì volta u capu à caccia, Olivier hè dinò un omu chì smetti di sunnià. Da 2009, in a vaddi verdi di Siscu, faci i so piantini, ripicca è racogli di mani a so prima pruduzzioni di civoddi… È l’affari marchja bè ! Oghji i diliziosi civoddi giaddicci cù sapori inzuccarati sò vinduti cù successu è a so riputazioni franca i fruntieri.

Fendu rinascia sta cultura scurdata, Olivier hà pruvucatu a curiusità po l’adesioni d’altri agricultori stallati ind’u rughjoni. Adduniti ind’un associu ch’eddu dirighji, i pruduttori di civoddi dolci di Capicorsu sò più numarosi d’annu in annu. Sò dighjà missi in ballu dimarchji da ottena un IGP…

Olivier impiega ancu sei ettari di i so tarri à a pruduzzioni d’un oliu d’aliva labillizata in AOP. Dui splutazioni in soprapiù duva l’ori di travagliu ùn si contani più … In tantu, ogni mani di a so vita nova, si pesa allegru di pettu à a ghjurnata chì l’aspetta !