Aghjugna à u vostru librettu di strada

Jean Marc BLANWALHIN

Farina di castagna AOP

Accolta : Tutta l’annata.

I tarritorii : Sartinesi Valincu Taravu

I catigurii : In ghjiru à l’alivu è u castagnu

I pruduzzioni agriculi : A farin castagnina corsa

Dicini chì certi nasciariani ind’i carbusgi, quì pari chì Jean-Marc Blanwhalin, ellu, sighi piuttostu natu ind’un gricciu ! « Socu natu quì, in Sampolu, duva facciu a farina castagnina dipoi ch’e t’aghju 15 anni. Aghju principiatu cù me mamma è aghju cuntinuvatu solu, senza mai lascià u paesi »  conta Jean-Marc.

Trà u mantinimentu di u so castagnetu, i racolti, a sicchera è i passaghji à u mulinu, custruttu da i so mani, u pruduttori di farina ùn hà mai avutu u tempu d’annuià si. Quand’ellu si vedi u so ardori pà fà cunnoscia è savuriscia a so farina, si capisci subitu chì ùn hà sceltu issa strada à casu.

« Mi piaci assai u me travagliu è a me vita in paesi. Di sicuru chì quissa cheri assai travagliu, ma risentu una vera gioia quandu vecu sorta, ogni annu, a prima farina di i me macini di granitu. A sapeti, sò andatu à ricuparà li ind’u fondu d’un canali duva curria un fiumi, vicinu à un mulinu abbandunatu. » Una vera mutivazioni pà stu passiunatu chì ùn hè prontu à veda mora a filiera di a castagna in l’isula, nè mancu à veda calà a rinumata di a farina di Sampolu, cù u so savori cusì dolci è particulari.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu