Aghjugna à u vostru librettu di strada

Véronique LEONI

A casa di a Castagna

Dolci Corsi - Cunfitturi

Accolta : Tutto l’anno su appuntamento.

I tarritorii : Sartinesi Valincu Taravu

I catigurii : In ghjiru à l’arbureti è l’orti, I meli, In ghjiru à l’alivu è u castagnu

I pruduzzioni agriculi : A farin castagnina corsa, I Meli di Corsica, I frutti è ligumi di Corsica

Da a racolta à a farina, a castagna ùn hà più sicretu pà Véronique Leoni, pruduttori di castagni di Zevacu. Ma parò, hà avutu un ghjornu a voglia di sviluppà è di valurizà a so pruduzzioni. « Parlendu cù dui altri pruduttori di castagni, emi ammintatu a pussibilità di cunfizziunà castagni corsi cunfitti è ricuparti di zuccaru »

Detta fatta ! Dopu à una furmazioni pà cunnoscia u prucessu di fabbricazioni di sti cunfisarii priziosi, Véronique Leoni metti in baddu u prughjettu è crea a marca Dolci Corsi. « L’idea era d’adduniscia i nostri pruduzzioni à tutti sottu à a listessa marca pà dà di più visibilità è incalcà a nostra dimarchja » spiega Véronique.

Vinti anni dopu, a scumessa di i trè pruduttori di castagni hè una bedda riescita, talmenti a rinumata di i castagni cunfitti Dolci Corsi ùn hè più da fà. Malgradu u successu, Véronique voli cunsirvà u modu artighjanali di a so pruduzzioni. « Pigliu piacè ad ammaistrà tuttu u prucedimentu di fabbricazioni. Di sicuru chì pudariu fà di di più, ma preferiscu cuntinuvà fendu qualcosa di bè. », aghjusta Véronique. Da suddisfà a so clientella, Véronique hè stata custretta à diversificà a so pruduzzioni.

« Cù a nostra cunfittura di castagni, femi dinò una spicialità di castagni cunfitti arumatizati à l’acqua vita, è cunfitturi casani di clemantini, alimei o fichi. Quissa mi parmetti d’allargà l’offerta pà i me clienti. ». Da chì suddisfà tutti i liccataghji di u Taravu è d’altrò.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu