Aghjugna à u vostru librettu di strada

Fabienne MAESTRACCI

CAVALLO MORTO

Oliu d'aliva AOP – Stanzi d’ospiti

Accolta : Da maghju à sittembri nantu à appuntamentu.
E pà quiddi chì bramani di prufittà di a dulcezza di i seri in Cavallu Mortu, hè pussibuli d’attavulà si ind’ ortu pà fà si serva una purtata di salameria corsa di qualità, una scelta di casgi, o ancu una varietà d’antipasti casani (hè quì à l’onori l’oliu d’aliva). Tutta issa roba hè cumplittata cù una carta di vini silizziunati cù minutezza.

I tarritorii : Sud Corse

I catigurii : I toli & stanzi d’ospiti, ustarii agriculi & alloghji campagnoli, In ghjiru à l’alivu è u castagnu

I pruduzzioni agriculi : Oliu di Corsica

Zone de livraison

Extrême Sud,
les 2 départements selon les quantités

Produits livrés

huile d'olive AOP

A Loghja di Cavallo morto - Chemin de Campagru
20169 Bonifacio
  06 09 36 35 50
  info@cavallomorto.com |   www.bonifaciocorsica.info

Une straduccia chì serpighjeghja trà i muri in petra à l’asseccu cunduci à a casa antica chì marca l’intrata di u duminiu. Quì, in stu locu, tuttu porta a marca di a storia di issi tarri di u stremu suttanu mudillati da i venti, u soli è u travagliu di l’omi. Da l’alivi zinzala millenarii, Fabienne Maestracci ricaccia l’oliu d’aliva, un oliu dolci, suttili, cù parfumi d’amandula, di noci, d’aliva matura. Hè un’opara difficiuli di fà crescia è curà issi vechji giganti chì intorchjani i so ghjamboni longhi sopra à una tarra secca, pitricosa, chì abbagliuleghja cù u so culori biancu.

“Travaglià issi arburi anziani hè stata una scelta. Tarreni n’aviami à bastanza pà pona alivi ghjovani, ma emi vulsutu un antru sguardu. A salvezza di u patrimoniu liatu di manera prufonda à a Corsica è in fatti hè quissu u sensu di i nostri viti.” È u fattu si stà chì Fabienne ùn s’hè cuntintata di l’arburi. Dopu avè li studiati bè, tramanda oghji i più belli foli di Corsica in dui libri isciuti ind’è Albiana. Parechji libri di cucina cù una vera antulugia di a cucina corsa « Cucina Corsa, tempi fà ». Autori dinò di cronichi, di raconti duva a so isula ferma un filu da suvità, scrivi à l’agrottu di i muri di u so casonu.

In più di u so picculu alloghju campagnolu, s’apri sta casa d’istati pà accoglia i so ospiti in quattru stanzi cunfurtevuli duva sò stati prifiriti materii nobili è belli mobuli. I sdighjuni sò sirvuti sottu à u frescu di u chjalzu maiori, cunfitturi è pastadolci casani, prudutti sani è una bella tola. À l’ori caldi, omu si pò ciuttà ind’un bagnatoghju. Quì, si preferisci u silenziu, u riposu, u veru piacè di campà fora di tempu, è quissa à uni pochi di minuti di Bunifaziu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).