Aghjugna à u vostru librettu di strada

Anthony ANGEL

Domaine LS

OLIU D'ALIVA AOP - MULINU

Accolta : Tuttu l'annu, pigliendu un appuntamentu.

I tarritorii : Casinca - Castagniccia - Costa Verde

I catigurii : In ghjiru à l’alivu è u castagnu

I pruduzzioni agriculi : Oliu di Corsica

Nanzu d'insulcà per i so campi d'alivi, Anthony Angel girava digià e valle da avvià e so pecure in giru à u so paese di Santa Maria Poghju. « Mentre vint'anni aghju fattu issu mistieru incù passione. Ma qualchì annu fà, aghju avutu a voglia di passà à un altru affare, di cambià di ritimu di vita. Hè esigente assai a spluttazione di u bestiame è quand'elli sò nati i mo figlioli, aghju vulsutu prufittà di più di a mo famiglia. Puru s'ella dumanda assai travagliu, mi lascia di più tempu liberu a cultura di l'alivi », spieca l'oleicultore, simpliciamente.

Ma ùn cridite micca ch'ellu si hè lasciatu andà Anthony. Hà strapazzatu per piantà i so alivi, putà li è stallà u so mulinu. « Ùn cunniscia micca l'universu di l'oleicultura, ma aghju travagliatu assai per scuchjà un'oliu fine è gustosu. Torchju dinù l'alive per d'altri oleicultori di u rughjone ma facciu assai casu à a qualità di e so alive per ùn alterà micca a qualità di franghjera di u mo mulinu », preciseghja Anthony.

In qualchì annu solu, si hè fattu una riputazione bella u so oliu d'aliva al di là di u rughjone, è ùn hà mancu appena difficultà Anthony à smarcià a so roba. È compie l'oleicultore : « Feranu ciò ch'elli vuleranu di a so vita i mo figlioli, ma incù st'alivetu a sò chì li lasciu un bellu patrimoniu naturale ».