Aghjugna à u vostru librettu di strada

Marina CECCALDI

Castagni cunfitti - Farina di castagna AOP -Cunfitturi

Accolta : Da sittembri à maghju.

I tarritorii : Dui Sevi-Dui Sorru - Cruzini - Cinarca

I catigurii : In ghjiru à l’alivu è u castagnu

Hè ind’u paesi d’Evisa, in cori di a furesta d’Aitone, chì Marina tramanda u lascitu preziosu di a so mamma, Françoise. Una di i primi à valurizà u castagnetu, Françoise Ceccaldi hà sappiutu tirà u megliu di u Marron d'Evisa, un fruttu cù l’aromu finu è dilicatu. Li piaci à ricurdà si ch’edda hà compru a prima macchina à sbuchjulà i castagni di a righjoni !

Ci vò à dì chì Evisa, in u so quatru naturali fattu di paisaghji scarsi è magnifichi, hè un locu cunnisciutu di a pruduzzioni di castagni corsi. Marina, impastata di issa cultura è di i sapè di a mamma hà presu u seguitu di modu naturali.

A so piccula impresa, Insitina, pruduci castagni cunfitti sottu à u labellu Dolci Corsi. A castagna hè sbuchjata, allisciata, finita à a mani pà di più pricisioni, vultulata, cunfisata (ciuttata duranti cinqui ghjorni ind’un sciroppu diliziosu chì li darà u so soffici), po imbutulata di zuccaru ghjacciu è passata à u forru, nanzu d’essa imballata pà righjugna a bella scatuledda chì raligrarà i vostri festi di fin’d’annata ! È pà u vostru piaceri, Insitina ùn si pianta micca quì… a pruduzzioni s’hè diversificata è pruponi cunfitturi, frutti cunfitti, è sempri issa cunfittura diliziosa cù pisticciuli di castagni…

Una fabbricazioni artighjanali, fatta solu cù frutti è agrumi freschi : citrò (aranci), limoni, alimei, clementini, bachi, fichi, mortula… tutti sputichi corsi, senza trattamentu, senza nisun additivu, cunsirvatori o cutranti !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu