Aghjugna à u vostru librettu di strada

Jean-Louis GHERARDI

Farina di castagna AOP

Accolta : Da u 15 d’uttrovi sinu à a fini di lugliu

I tarritorii : Nebbiu - Capi Corsu

I catigurii : In ghjiru à l’alivu è u castagnu

I pruduzzioni agriculi : A farin castagnina corsa

Filici di campà à l’aria bona, Jean-Louis Gherardi prufitta di l’uccasioni di crià a so splutazioni propia ripigliendu in 2006, guasgiu 70 ettari di tarri agriculi nantu à a cumuna di Petracurbara. « À st’epica, aviu bisognu di cambià di vita… allora quandu m’ani prupostu di cumprà torna tarri ind’u me paesi nativu, ùn sò statu tantu à lancià mi ind’ì l’agricultura. »

Trà u castagnetu, l’alivi è l’animali, hè difficiuli di creda chì Jean-Louis Gherardi t’hà sempri tempu par eddu ! Ancu assai chì a sulidarità hè unu di i fundamenti di u paisolu di Lapedina ! I so parenti, u so frateddu, l’amichi sò sempri pronti à aiutallu ind’a so carica di travagliu, à puntu à u mumentu di a cugliera di i castagni.

A farina castagnina di Jean-Louis, cù u so cartellinu verdi è u so segnu AOP, faci l’unori di Petracurbara. U prucessu longu chì trasfurmeghja i castagni freschi in farina fina è parfumata esigi d’essa suvitatu bè s’omu voli ghjugna à u niveddu di qualità com’è u soiu. Cusì sò prudutti è cundiziunati, di mediu, dui tunnillati à l’annu.

Ind’a vaddi verdi di Capicorsu, pruduci ancu carri è oliu d’aliva. A qualità di issi pruduzzioni vali u colpu di cansà si !