Aghjugna à u vostru librettu di strada

Olivier MORATI

Oliu d’aliva AOP

Accolta : Mulinu vicinu à u lagu di Padula: nantu à appuntamentu
Puntu di vendita a Santu Petru di Tenda apartu tutta l’annata

I tarritorii : Nebbiu - Capi Corsu

I catigurii : In ghjiru à l’alivu è u castagnu

I pruduzzioni agriculi : Oliu di Corsica

Sarà statu u so nomu chì hà tracciatu u distinu d’Olivier Morati par cambià a splutazioni di a famiglia ? A ci pudemu pinsà. In u 1976 a pruduzioni di meli di u babbu, Carlu pisaia 80% di l’attività contru à 20% par l’oliu d’aliva. Da quandu a splutazioni hè stata ripresa da Olivier hè ghjustu u cuntrariu !

Hà rimissu in istatu l’alivi vechji di parechji seculi (varietà Biancaghja) è postu 15 ettari d’arburi di varietà Biancaghja è Frantoio. L’arburi i più anziani pruducini un annu sì, un annu nò, i più ghjovani pruducini tutti l’anni. A racolta si faci à l’usu anticu : da ghjinnaghju à maghju st’alivi preziosi sò colti direttamenti in reti maiò chì sò appesi sottu, po subitu fragnati in u mulinu di a splutazioni.

Prudutta à partasi di frutti cultivati cù metudi chì rispettini u circondu è colti quand’eddi sò maturi, appruntata di manera artighjanali, l’oliu in AOP d’Olivier hè stata premiata parechji volti (midaglia d’oru à u Cuncursu Generali Agricolu in Parighji in u 2012).

Dolci, dilicata assai è prufumata, sarà un incantu par cundiscia insalati  è roba cruda è dà più gustu à i vosci piatti di manera inaspittata. ..Hè in vendita diretta in a pruprietà cù dinò u meli è un pani di spezii squisitu fattu in casa.

In u centru di l’alivetu, Olivier cù a moglia Laura, ani accunciatu a villa Nida par fanni un locu cun assai garbu induva seti ricivutu cun calori.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu