Aghjugna à u vostru librettu di strada

Isabelle et Claude ORSI

Gaec Casa Orsi

Urtulimu – Alloghji campagnoli

Accolta : tutta l’annata nantu à dumanda

I tarritorii : Nebbiu - Capi Corsu

I catigurii : È dinò…, In ghjiru à l’arbureti è l’orti

I pruduzzioni agriculi : I frutti è ligumi di Corsica

À a punta di u Capicorsu, in fondu di una cala induva affacca di tantu in tantu una vela à sfrisgià l’onda, ci hè una tarra induva l’alivu hè maestru…Era stata tralasciata parechji dicini d’anni, po hè stata una ghjovana donna, vulintarosa è ginarosa chì hà resu u fiatu à stu locu pradilettu. Hè una bedda storia.

In u 1997 era sempri à l’abandonu stu duminiu. Eppuru, hè senza tema chì Isabelle Orsi, cù l’aiutu di a famiglia, hà fattu a scummissa : duvintà agricultrici è valurizà sta tarra. Quindici anni dopu a so pacienza è u so travaddu sò stati pacati di ritornu.

Trà mezu à st’alivi cintunarii chì supraneghjani à Macinaghju, Isabelle, chì ùn ci hè dubbitu li piaci à sparta, s’hè accunciatu i so alloghji : dui beddi casi, un ortu maiò, una pissina. Quand’eddi sò ricivuti cun tanta bravezza è ghjinirosità in stu locu di paci, l’ospiti sò incantati  dinò eddi è scrivini tanti paroddi par fà ni i lodi nantu à u libru d’oru : « Fantasticu ! Ci n’emu da ricurdà tutta a nostra vita ! Maravigliosi ! »