Aghjugna à u vostru librettu di strada

Marc et Laetitia PRIETTO

Domaine de Valle

Ligumi di staghjoni AB

Accolta : Tutta l’annata u marti, u sabbatu
è tutti i ghjorni à u
distributori autumaticu

I tarritorii : Sud Corse

I catigurii : In ghjiru à l’arbureti è l’orti

I pruduzzioni agriculi : I frutti è ligumi di Corsica

Quandu Marc Prietto piglia a dicisioni di ripiglià i 14 ettari di a splutazioni famigliali, in 1995, sà bè chì i culturi di i ligumi sarani cunduti in agricultura biulogica. Marcu hà crisciutu nantu à u duminiu ; hà usservatu u missiavu po u babbu quand’elli travagliavani a tarra di modu naturali à u filu di i staghjoni. L’amparera ùn hè cusì faciuli : i tecnichi sò dilicati da metta in baddu è « sò affari chì ùn s’amparani à a scola » dici cù irunia Marc. Pocu impremi ! U ghjuvanottu scopri à u cuntattu d’altri agricultori passiunati, suluzioni simplici è urighjinali.

Oghji, ghjiratu solu ver’ di a vendita diretta, u duminiu agriculu di Valle pruponi à u cunsumadori finu una scelta larga di ligumi è una cullizzioni sclusiva isciuta da i so proprii sumenti pasturecci. Sputicu ! Ci vò à dì chì Marc hè inturniatu bè : Laetitia, a so moglia, l'accumpagna dipoi u principiu di a so stallazioni. Urighjinaria di Franche-Comté, sta femmina di a campagna, titularia d’un BTS cuntabilità, piglia una partenza nova in 2001 divintendu salariata à u Duminiu. I so cumpitenzi diventani subitu indispensevuli, com’è a so parsunalità à tempu risirvata è affirmata. « Dopu à deci anni di spirienza, sò cunvinta d’avè fattu a scelta bona : l’attaccamentu à a tarra è à i so valori. È quissa par via di Marc chì m’hà amparatu tuttu ! »

Cù Léa, Maud è Paul-Antoine - i so trè zitelli - a squadra suvita a so storia !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu