Aghjugna à u vostru librettu di strada

Philippe et Annie BELANGER

L'Ortulinu

Ligumi di staghjoni AB - Oliu d'aliva AB - Cunfitturi AB- Pani AB

I tarritorii : Sud Corse

I catigurii : È dinò…, In ghjiru à l’alivu è u castagnu, In ghjiru à l’arbureti è l’orti

I pruduzzioni agriculi : I frutti è ligumi di Corsica

Philippe Belanger hè un omu di prima trinca. Un’ ci stona da a parti di st’anzianu addistradori d’una squadra prufissiunali di rugbì d’Aubenas ind’ì l’Ardèches ! In 2004, Philippe piglia a dicisioni, cù a so moglia, Annie, di vultà nantu à i tarri famigliali di Bunifaziu pà crià ci una splutazioni agricula. « Cù Annie, aviami dinò in carica una sala di sportu in Parighji, conta Philippe, duva davami i nostri cunsigli par ciò chì tocca à a nutrizioni. Ci semi avvisti subitu chì ci vulia à parta da fundali veri, è dunqua chì magnusca sana si pudia cunsumà ? Allora era logicu tandu di vulè pruducia noi stessi i nostri ligumi più boni ! » Dipoi 10 anni, Philippe travaglia in issu filu quì. Un’ era micca data in issu paisaghju calcariu ! « Ci voli à smachjà i tarreni, à spessu di mani chì i lochi ùn parmettini u passaghju d’ arnesi miccanichi. Tandu d’avè fattu u sportu ci aiuta assai in issu casu quì ! »

8 mesi fà, u so figliolu maiuronu, Jean-Baptiste, hà raghjuntu a squadra. Eddu dinò hà presu a so ritirata di rugbyman prufissiunali. Dui manoni in piu ! Da u so cantu, Annie elabureghja ogni varietà di cunfitturi cù prudutti di l’ortu è frutti nustrali.

« Hè un modu di campà ch’è avemi sceltu insemi, cuncludi Philippe, avemi tanti prughjetti da fà ! » Oghji cù l’urtaglia, l’uleicultura, è a pruduzzioni di cunfitturi, i Belanger ani riisciutu a so sfida !